Вверх



Палессе — край долі народнай, традыцый і песень

2437 2 09:42 / 28.08.2012
Аграгарадок Ляскавічы на Петрыкаўшчыне напрыканцы мінулага тыдня ўяўляў сабой сталіцу Палесся. Менавіта тут, на тэрыторыі Нацыянальнага парку “Прыпяцкі”, разгарнуўся ІІ фестываль этнакультурных традыцый “Покліч Палесся” (“Зов Полесья”).


196061-08.jpg


Яркае самабытнае свята, нібы ўсіх колераў вясёлкі абрус, расцягнулася ўшыркі з падворкамі раёнаў Гомельшчыны і Брэстчыны “Палеская слабада”, гандлёвымі радамі спажывецкіх таварыстваў. Тут можна было прыгарнуцца сэрцам да спаконвечных рамёстваў продкаў, уласнаручна паспрабаваць ткаць ручнік ці вырабляць шыкоўны капялюш з саломкі, далучыцца да кавальскага, ганчарскага, бондарскага, бортніцкага рамёстваў. Звабліва казытаў нос водар юшкі і шашлыкоў, што плыў над наваколлем. А ногі самі прасіліся ўскокі пад бадзёрыя гукі цымбалаў, бубнаў, гармонікаў і песні шматлікіх народных калектываў мастацкай самадзейнасці, знакамітых выканаўцаў.


Словам, было адчуванне непаказной народнасці свята. І думалася аб тым, што яно і сапраўды працуе на тое, каб прыцягнуць увагу не толькі суайчыннікаў, але і гасцей з замежжа да брыльянтавых россыпаў культуры гэтых рэгіёнаў Беларусі, зацікавіць турыстаў. На такую мэту, безумоўна, будзе працаваць і новая ляскавіцкая скарбонка — Музей прыроды, будаўніцтва якога ажыццёўлена па просьбе сяльчан. А калектыў Нацыянальнага парку “Прыпяцкі” збудаваў да свята непаўторную Ляскавіцкую хату. Можна сказаць, своеасаблівы музей даўняга побыту палешукоў, які таксама стаў адной з самых прыцягальных кропак фэсту. Праграма яго была вельмі насычанай, на ўсе ўзросты і густы. Дарослыя маглі пазнаёміцца з выставай спецвыпускаў газет, якую адкрывала наша “Гомельская праўда”, праявіць спрыт у палескіх гульнях, лоўлі рыбы, пакатацца на цеплаходзе, паслухаць выступленне сучасных пісьменнікаў Гомельшчыны. Быў і дзіцячы гарадок з мноствам атракцыёнаў, на якіх з асаблівым задавальненнем забаўлялася вясковая дзятва.


Знакавай падзеяй фестывалю, безумоўна, стаў удзел у ім Прэзідэнта Рэспублікі Беларусь Аляксандра Лукашэнкі. Звяртаючыся да ўдзельнікаў і гасцей свята, Аляксандр Рыгоравіч падкрэсліў: “Я прыехаў для таго, каб вітаць сапраўдных беларусаў — усмешлівых, добрых, моцных сваім характарам…” Кіраўнік нашай дзяржавы падзяліўся, што здавён зачараваны прыгажосцю Прыпяцкага Палесся, згадаў пачатак свайго прэзідэнцтва, удзел з сялянамі ў касьбе на пойме Прыпяці, просьбы вяскоўцаў, тое, як яны выконваліся, і зазначыў, што “палешукі сталі асновай нашай дзяржаўнасці”. Амаль палова палескага рэгіёна размяшчаецца на тэрыторыях Гомельшчыны і Брэстчыны. Кіраўнік краіны даў даручэнне губернатарам дзвюх абласцей Уладзіміру Дворніку і Канстанціну Сумару: “Заўсёды падтрымліваць гэты фестываль, гэта каларытнае вясковае сельскае свята, якому быць у вяках”. Аляксандр Лукашэнка высока ацаніў Музей прыроды і падкрэсліў: “Гэта яшчэ адна крыніца і даходаў палешукоў, і цэнтр, дзе будуць атрымліваць веды маладыя людзі, усе тыя, хто хоча пазнаёміцца з нашым Палессем”. Прэзідэнт Беларусі прапанаваў зрабіць міжнародным наступны трэці фестываль: “Бог любіць троіцу. З трэцяга фестывалю і пачнем. А Бог заўсёды быў над Палессем”.






























Фото Алега Белавусава

0 Обсуждение Комментировать
Ева Дудорга 29/08/2012 10:05
Замечательный праздник, который позволил посетить сразу 11 районов Полесья!
Красивые люди! А какое разнообразие нарядов! А какие мастера!

Олег, замечательные фотографии!!!
А я тебя тоже поймала :) http://gomelrcbs.ucoz.ru/news/praleska_na_festivale_zov_polesija/2012-08-26-69
Цитировать
Ева Дудорга 29/08/2012 10:07
И Тамару Викторовну тоже :)
Цитировать
Загрузка...