Духмянае сена і спажыўны сянаж
1278 0 12:00 / 02.06.2009
Асноўная стаўка робіцца на сена. Зараз на яго нарыхтоўцы з яжы зборнай і цімафееўкі занята некалькі адзінак тэхнікі. З агеньчыкам працуе на скошванні травы на самаходнай касілцы Аляксандр Грань, які выязджае на сенажаць вельмі рана і дзённыя заданні выконвае амаль на 200%. Старанна працуюць таксама Аляксандр Калеснік, Мікалай Курловіч, Мікалай Карпаў, Алег Кошаль, Мікалай Пырх, Уладзімір Данчанка і іншыя механізатары. Першыя рулоны духмянага сена ўжо завезены пад павеці для захоўвання. Усяго сёлета плануецца нарыхтаваць гэтага корму 2400 тон — больш чым па дзве тоны ў сярэднім на карову.
Апрача гэтага будзе закладзена і 7500 тон сенажу. Да яго нарыхтоўкі ў гаспадарцы прыступілі таксама. Добра прадумана арганізацыя і аплата працы ўдзельнікаў корманарыхтоўкі. Прама ў поле дастаўляецца гарачае харчаванне.
Сёлета ўпершыню ў гаспадарцы плануецца давесці сярэдні надой малака ад каровы да 6200 кілаграмаў. Старшыня кааператыва Р. К. Шпакаў лічыць, што надзейнай гарантыяй высокіх надояў і прываг маладняку буйной рагатай жывёлы будзе трывалая кармавая база, якая ствараецца і сёння.
Сцяпан БАЛОТКІН
Самое читаемое
Другие статьи раздела
0 Обсуждение Комментировать