Новае папаўненне трэста

Каля 30 выпускнікоў Гомельскага дзяржаўнага прафесіянальна-будаўнічага ліцэя прыйшлі на работу ў спецупраўленне аддзелачнікаў будаўнічага трэста № 14. А ўсяго, як паведамляе начальнік аддзела кадраў Андрэй Клешчанка, у структурныя падраздзяленні трэста пасля заканчэння вышэйшых і сярэдніх спецыяльных навучальных устаноў прыйшлі 75 спецыялістаў будоўлі. Характэрна, што сёлета бачна тэндэнцыя папаўнення прадпрыемства новымі людзьмі, якім тут прадстаўлена работа па спецыяльнасці.