21 лютага —Міжнародны дзень роднай мовы
21.02.2017
Родная мова — крыніца, якая падпітвае кожнага з нас. І наколькі моцна генетычна жыве ў табе адчуванне роднай мовы як інструменту зносін, настолькі ты адчуваеш жывую сувязь з радзімай.
Другакласнік Уборкаўскай сярэдняй школы Лоеўскага раёна Вова Мокша робіць яшчэ толькі першыя крокі ў авалоданні беларускай і рускай мовамі. Жыве ён у беларускамоўным асяродку, больш выкарыстоўвае ў выказванні сваіх думак і пачуццяў родную беларускую мову. Дзіця са шматдзетнай сям’і часты наведвальнік бібліятэкі ў аграгарадку, адзін з самых актыўных чытачоў. А іх тут звыш 400. І кожнаму знаходзіцца кніга на мове, якую лічыць роднай: у фондах 13400 экземпляраў, плюс яшчэ 9 газет, 54 часопісы.
Чытай, Воўка, расці, не забывай каларыт роднай мовы, якая журчыць на тваёй роднай зямлі, быццам невялікая рэчачка Брагінка. Хай нішто не спыніць яе вечнага цячэння.
Чытай, Воўка, расці, не забывай каларыт роднай мовы, якая журчыць на тваёй роднай зямлі, быццам невялікая рэчачка Брагінка. Хай нішто не спыніць яе вечнага цячэння.