Выстава “З кутка жаданняў”, прысвечаная жыццю і творчасці Янкі Купалы адкрылася ў Гомелі

Мастацка-літаратурная выстава “З кутка жаданняў”, прысвечаная жыццю і творчасці Янкі Купалы адкрылася ў Гомелі. Экспазіцыя ў палацы Румянцавых і Паскевічаў прымеркавана да 130-годдзя з дня нараджэння народнага паэта Беларусі Янкі Купалы і Году кнігі. Духоўны свет паэзіі Купалы, асноўныя тэмы яго творчасці – Радзіма, паэт і народ, хараство Беларусі – натхнілі не адно пакаленне беларускіх мастакоў. Створаныя імі цудоўныя ілюстрацыі да кніг Янкі Купалы, што пабачылі свет у розныя гады, увайшлі ў залаты фонд беларускай кніжнай графікі ХХ – пачатку ХХІ стагоддзя. Выстава знаёміць з выданнямі твораў паэта розных гадоў, сярод якіх па-сапраўднаму рарытэтныя.