Жыхары Гомельшчыны ўдастоены высокіх узнагарод

За шматгадовую плённую працу, высокі прафесіяналізм, узорнае выкананне службовых абавязкаў, заслугі ў воінскай службе і ахове дзяржаўнай граніцы, значны асабісты ўклад у забеспячэнне законнасці і ўмацаванне правапарадку, развіццё рэальнага сектара эканомікі і знешнеэканамічных сувязей, выдатныя дасягненні ў сферы адукацыі і навукі Указам Прэзідэнта Рэспублікі Беларусь узнагароджаны:

медалём «За адзнаку ў воінскай службе»:

БОЛБАТ Дзмітрый Мікалаевіч – начальнік цэнтра інжынернага забеспячэння 19-й пагранічнай групы пагранічнай службы, падпалкоўнік;

ГАНЧАРОЎ Максім Аляксандравіч – старшына цэнтра матэрыяльна-тэхнічнага забеспячэння 21-га пагранічнага атрада пагранічнай службы, старшы прапаршчык;

КАЗЯРОЖАЦ Аляксандр Сяргеевіч – намеснік каменданта па матэрыяльна-тэхнічным забеспячэнні пагранічнай камендатуры 19-й пагранічнай групы пагранічнай службы, капітан;

медалём «За адзнаку ў ахове дзяржаўнай граніцы»:

БУТА Максім Аляксандравіч – начальнік пагранічнай заставы 21-га пагранічнага атрада пагранічнай службы, маёр;

ГУД Іван Дзмітрыевіч – кантралёр аддзялення пагранічнага кантролю 21-га пагранічнага атрада пагранічнай службы, старшы прапаршчык;

ШАПАВАЛ Арцём Вячаслававіч – камандзір пагранічнага судна звяна пагранічных суднаў аддзялення берагавой аховы пагранічнай камендатуры 19-й пагранічнай групы пагранічнай службы, старшы мічман;

ШЫШКО Яўгеній Уладзіміравіч – начальнік пагранічнай заставы 19-й пагранічнай групы пагранічнай службы, маёр;

ЮШЧАНКА Валерый Васільевіч – камандзір разведвальна-пошукавай групы манеўранай групы 21-га пагранічнага атрада пагранічнай службы, старшы прапаршчык;

медалём «За працоўныя заслугі»:

ФІЛОНАВА Марына Уладзіміраўна – генеральны дырэктар унітарнага прадпрыемства па аказанні паслуг «Гомельскае аддзяленне Беларускай гандлёва-прамысловай палаты»;

медалём Францыска Скарыны:

ГРЫГОР’ЕЎ Андрэй Якаўлевіч – дырэктар дзяржаўнай навуковай установы «Інстытут механікі металапалімерных сістэм імя У. А. Белага Нацыянальнай акадэміі навук Беларусі».

Ганаровае званне «Заслужаны настаўнік Рэспублікі Беларусь» прысвоена ЖАДЗЕЙКА Жанне Фёдараўне – настаўніку рускай мовы і літаратуры дзяржаўнай установы адукацыі «Гімназія № 14 г. Гомеля».

* * *

Ганаровай граматай Савета Міністраў Рэспублікі Беларусь узнагароджаны:

за шматгадовую плённую працу, высокі прафесіяналізм, значны асабісты ўклад у развіццё хімічнай прамысловасці работнікаў ААТ «Гомельскі хімічны завод»: КІСЯЛЁЎ Сяргей Аляксандравіч – начальнік цэха грануляванага амафосу; ЦІТОК Андрэй Іванавіч – апаратчык вытворчасці экстракцыйнай фосфарнай кіслаты цэха фосфарнай кіслаты;

за шматгадовую плённую працу, высокі прафесіяналізм, значны асабісты ўклад у сацыяльна-эканамічнае развіццё Гомельскай вобласці ЯЖОВА Антаніна Ізотаўна – кіраўнік дзяржаўнай установы «Адміністрацыя свабоднай эканамічнай зоны «Гомель-Ратон».