Лазанкi

20.12.2019
Лазанкі з сырам

3 шклянкі мукі, 2 – 3 яйкі, соль, 1,5 шклянкі сыру, 1,5 шклянкі смятаны, 1,5 ст. лыжкі масла, 4 – 5 яек. Зрабіць з мукі і пары яек цвёрдае, як на макарону, цеста, тонка раскачаць і пакроіць на квадрацікі. Паставіць ваду на агонь, апусціць лазанкі ў кіпень, а калі зварацца, адцадзіць і абліць халоднай вадой. Нацерці 1,5 шклянкі свежага вясковага сыру, змяшаць з гэткай жа колькасцю смятаны, лыжкай масла і трыма жаўткамі, перамяшаць з лазанкамі, дадаць узбітую з бялкоў пену, асцярожна вымяшаць, укласці ў форму, вышмараваную маслам і выкладзеную лазанкамі, і паставіць на гадзіну ў печ. Кніга рэцэптаў беларускай кухні “Літоўская кухарка”, 1854 год