Святочны канцэрт прайшоў у Гомелі.
— Віншую з Днём народнага адзінства. 17 верасня 1939 года — надзвычай важны этап у жыцці нашай краіны, кропка ў станаўленні Беларусі. Гістарычная падзея аб'ядноўвае ўсіх, хто ганарыцца сваёй Радзімай і верыць у яе будучыню, — адзначыў старшыня аблвыканкама Генадзь Салавей. — У гонар свята вобласць разам з усёй краінай праводзіла аўтамабільныя і веласіпедныя прабегі, азеляняла населенныя пункты. У Гомелі з'явілася сімвалічнае графіці. Памятны знак усталяваны ў пасёлку Адзінства Чачэрскага раёна. Ён атрымаў такую назву ў 30-ыя гады мінулага стагоддзя. Завяршае афішу свята незвычайны канцэрт. Філармоніі Гомельскай і Гродзенскай абласцей абмяняліся праграмамі, каб парадаваць сваімі талентамі і падцвердзіць — мы адно цэлае.
Мерапрыемства арганізавалі ў Гомельскім абласным грамадска-культурным цэнтры. У фае разгарнулі выставы, а з канцэртам для жыхароў Гомельшчыны выступілі гродзенскія артысты.
