Настройки шрифта
По умолчаниюArialTimes New Roman
Межбуквенное расстояние
По умолчаниюБольшоеОгромное
Вверх


340649fa606c36e0b714b06fbe34caa3.jpg

У вёсцы Меркулавічы Чачэрскага раёна правялі абрад «Ваджэнне куста»

6336 0 18:22 / 07.06.2020 Обновленно 11:11 / 11.06.2020
Абрад, які праводзіцца на праваслаўнае свята Троіцу, аднавіла ў 1995 годзе Алена Бозікава. У 2006-м яе, на жаль, не стала, але намаганнямі мясцовага калектыву «Меркулавіцкія вячоркі» цудоўнае самабытнае свята працягвае сваё жыццё.

 
Галоўны персанаж абраду – дзяўчына, якая ўпрыгожваецца маладымі галінкамі дуба, ліпы, клёна ў выглядзе куста. Сёлета гэтую ролю выконвала бібліятэкар Вольга Ермакова. 
 
Нягледзячы на тое, што з-за пандэміі куст не наведаў аніводнага падвор'я, да свята далучыліся мясцовыя жыхары. Праз дуброву за кустом дзеці неслі велічэзны вянок, а жанчыны спявалі абрадавыя песні:

Троіца, Троіца, святая Багародзіца.
А ў нашых Меркулавічах харашо праводзіцца.
А ў нашых Меркулавічах харашо ходзяць.
А ў нашых Меркулавічах харашо куста водзяць.


Каля возера ўдзельнікі абраду прывязваюць да святочнага вянка чырвоныя стужкі з пажаданнямі. Вянок апускаюць на ваду, а куст праводзіць абрадавыя дзеянні з троіцкім хлебам, кавалачкі якога раздаюцца: 

Троіца, Троіца, Багародзіца,
Што пасеялі, то народзіцца.

Жанчыны з дзецьмі ідуць да аркі з звязаных паміж сабой бярозак і там кумяцца – просяць адзін у аднаго прабачэння і тройчы цалуюцца.

А ў клубе для гасцей і ўдзельнікаў свята гатуюцца традыцыйная рыбная юшка і пачастункі: 
Ой, ці не вяліш нашаму кусту стаці,
Бочку мядочку прыпявальнічкам даці,
Нам маладзенькім на ганачку пагуляці. 







































Актуально
Фото и видео Олега Белоусова
Газ.jpg
водители.jpg
морозовичи-агро2.jpg
0 Обсуждение Комментировать