10 работ выхаванцаў Рагачоўскага цэнтра творчасці дзяцей і моладзі адпраўлены на рэспубліканскі конкурс творчых работ “Дзеці малююць хакей”.
Перш чым рэалізаваць свае праекты, рабяты даведаліся аб гісторыі беларускага хакея, пазнаёміліся з эмблемай чэмпіянату свету-2014 у Мінску, паведаміў намеснік дырэктара цэнтра Валерый Любагошчаў. На суд журы трапіла шмат цікавых і неардынарных работ, але лепшымі былі прызнаны праекты выхаванцаў аб’яднанняў па інтарэсах “Маляванка” пад кіраўніцтвам Наталлі Гудковай і “Цудоўныя фарбы” кіраўніка Елізаветы Вядзернікавай.
А ў мінулым годзе рабяты прынялі ўдзел у конкурсе па стварэнні талісмана чэмпіянату свету па хакеі. Ім быў абраны зубр-хакеіст па мянушцы “Волат”.
