Вверх 
Трубы выводзяць на прыбытак
Намеснік генеральнага дырэктара абласнога ўпраўлення капітальнага будаўніцтва Мікалай Гулай у ліку прадпрыемстваў галіны, якія пашыраюць асартымент і нарошчваюць аб’ёмы вытворчасці прадукцыі, назваў і рэчыцкі завод “Тэрмапласт”. Летась тут асвоілі выпуск напорных труб для сістэм водазабеспячэння. З іх улікам адчувальны тэмпы роста выпуску ўсёй прадукцыі. Напрыклад, за сем месяцаў гэтага года выпушчана 503 тоны труб розных найменняў, а летась за адпаведны перыяд іх вытворчасць складала ўсяго 365 тон. Дырэктар прадпрыемства Рыгор Васілец расказвае, што іх трубы карыстаюцца добрым попытам. І не толькі ў нас. Пастаўляецца прадукцыя ва Уладзімір, Яраслаўль, іншыя расійскія гарады. У цэлым завод працуе эфектыўна і нарошчвае прыбытак. У стадыі распрацоўкі па імпартазамяшчэнні поліэтыленавыя трубы для цеплатрас. Яны таксама, згодна з прагнозамі спецыялістаў, на складах залежвацца не будуць. У наватараў прадпрыемства ёсць і некаторыя іншыя цікавыя задумы. Экономика
