Вверх 
Шкло выведзе ў сусветныя лідары
Намеснік прэм’ер-міністра Рэспублікі Беларусь Анатоль Калінін і міністр архітэктуры і будаўніцтва краіны Анатоль Нічкасаў 6 снежня наведалі адкрытае акцыянерное таварыства “Гомельшкло”. Яны пазнаёміліся з асноўнымі вытворчымі падраздзяленнямі прадпрыемства. Галоўны інжынер Раіса Петухова паказала гасцям участак газаачысткі і міні-цеплаэлектрастанцыі. Дзякуючы гэтаму комплексу цяпло ад шклаварнай печы накіроўваецца для абагрэву аб’ектаў завода і вытворчасці электраэнергіі, ахоўваецца навакольнае асяроддзе. У цэху паліраванага шкла №1 у рамках мадэрнізацыі завяршаюцца будаўніча-мантажныя работы, ідзе наладка тэхналагічнага абсталявання. Узведзена шклаварная печ магутнасцю 800 тон масы ў суткі. З уводам у строй гэтага цэха, які запланаваны на першую палову 2013 года, больш чым у 2 з паловай разы павялічыцца выпуск паліраванага шкла. Усяго цэхамі №1 і №2 будзе выпускацца 42 мільёны квадратных метраў якаснай прадукцыі ў год, што дазволіць беларусам стаць у шэраг сусветных лідараў вытворцаў ліставога паліраванага шкла. 
Новы цэх прамысловай перапрацоўкі агульнай плошчай 19,2 тысячы квадратных метраў ужо ўзведзены. Увод яго ў строй і завяршэнне мадэрнізацыі цэха №1 дазволіць цалкам выканаць праграму імпартазамяшчэння ў вытворчасці будаўнічых матэрыялаў, амаль у тры разы павялічыць выпрацоўку прадукцыі на аднаго рабочага ў год. Госці пацікавіліся таксама работай сумеснага закрытага акцыянернага таварыства “Гомельскі шклатарны завод”, якое знаходзіцца на тэрыторыі ААТ “Гомельшкло”, але з’яўляецца самастойным прадпрыемствам. Фото аўтара
Экономика
Новы цэх прамысловай перапрацоўкі агульнай плошчай 19,2 тысячы квадратных метраў ужо ўзведзены. Увод яго ў строй і завяршэнне мадэрнізацыі цэха №1 дазволіць цалкам выканаць праграму імпартазамяшчэння ў вытворчасці будаўнічых матэрыялаў, амаль у тры разы павялічыць выпрацоўку прадукцыі на аднаго рабочага ў год. Госці пацікавіліся таксама работай сумеснага закрытага акцыянернага таварыства “Гомельскі шклатарны завод”, якое знаходзіцца на тэрыторыі ААТ “Гомельшкло”, але з’яўляецца самастойным прадпрыемствам. 
