Сёння ў 14.13 гомельскім ратавальнікам паступіла паведамленне аб задымленні ў падвале шматкватэрнага жылога дома па вуліцы 2-ай Калгаснай.
Пасля прыбыцця да месца выкліку ратавальнікі назіралі задымленне ў падвале і ў пад'ездзе дома, паведамляе mchs.gov.by.
Работнікі МНС пры дапамозе маскі для ратаванага вывелі на свежае паветра трох чалавек з трох кватэр. Яны не пацярпелі.
Таксама з вышэйшых паверхаў самастойна эвакуіраваліся 12 чалавек. Яны таксама не пацярпелі.
Агнём пашкоджана маёмасць у трох ячэйках падвала, закураны сцены і столь.
Прычына пажару высвятляецца. Разглядаемая версія - неасцярожнае абыходжанне з агнём пры выкарыстанні запалак.
