![Баннер на сайт 816х197.jpg Баннер на сайт 816х197.jpg](/upload/medialibrary/3d6/229o5iqkkydun9xflbeneeggfm4xj8s0.jpg)
Аўцюкі чакаюць веселуноў
3891 21:30 / 26.07.2012 / Гомельская правда , Уладзімір Ліпскі, старшыня журы ўсебеларускіх фестываляў народнага гумару 27 — 28 ліпеня 2012 года адбудзецца VII Усебеларускі фестываль народнага гумару ў Аўцюках. На высокую рэспубліканскую арбіту культуры маладая, незалежная Беларусь узняла такія папулярныя жанры народнай мудрасці, як анекдот, жарт, прыпеўка, мініяцюра, забаўка, прыколка. Наце вам, людзі, фестываль, збірайцеся, смейцеся ад пуза, будзьце здаровыя ды яшчэ за гэта атрымлівайце ўзнагароды. На першым фестывалі я, напрыклад, атрымаў у падарунак варанога, неаб’езджанага каня. Перадаў яго аўцюкоўскім дзецям. Яны называюць яго “конь Ліпскі”, даглядаюць мой жывы прыз і з ім дапамагаюць старым, нямоглым аўцюкоўцам па гаспадарцы, у агародах. А на свяце — катаюць на кані “Ліпскі” ўсіх жадаючых за так. Якія будуць падарункі на гэтым фестывалі — поўная тайна нават для мяне, старшыні журы. Але веру: мае мудрыя аўцюкоўцы шчодра аддзячаць усіх, хто завітае да іх са сваімі жартамі на тэму “Не жыццё — адны спакусы”. А чакаюць тут гасцей з усіх абласцей і Мінска. У першы дзень адбудзецца адкрыццё сядзібы Каласка і Калінкі на раздарожжы паміж Малымі і Вялікімі Аўцюкамі. Затым дэлегацыі гумарыстаў, журы і госці фестывалю будуць “швэндацца” па вёсках і вызначаць лепшы падворак, найбольш гаспадарлівыя сем’і, самую адмысловую кухарку.
Другі дзень свята гумару адбудзецца ў саміх Калінкавічах. На цэнтральнай плошчы пройдуць конкурсныя выступленні ўсіх каманд і гасцей-гумарыстаў з Расіі і Украіны. Тутэйшым вясёлым аўцюкоўцам давядзецца ўсур’ёз пацягацца з гумарыстамі-профі з вёсак Спорава Бярозаўскага, Дубіна Валожынскага, Баянічы Любанскага раёнаў. На кірмашы гумару можна будзе набыць смешныя сувеніры, агледзець выстаўкі печаных скульптур па матывах народных баек, вырабаў народных рамёстваў. Можаце зазірнуць у гумарыстычнае фотаатэлье, наведаць аўцюкоўскі цір, пабываць на футбольным матчы паміж Каласкамі і Калінкамі з Малых і Вялікіх Аўцюкоў. Усіх сюрпрызаў перадаць проста немагчыма. Збірайцеся, хто на чым, хто з кім, і едзьце ў накірунку сталіцы гумару Беларусі — Аўцюкоў. Праезд, начлег, харчаванне за ваш кошт, добры настрой і весялосць за кошт аўцюкоўцаў гарантуюць арганізатары фестывалю — Міністэрства культуры, Гомельскі аблвыканкам, Калінкавіцкі райвыканкам, Беларускі дзіцячы фонд. Адзінае, што трэба помніць усім, хто збярэцца ў Аўцюкі, — мясцовае пажаданне гасцям: калі вы хочаце, каб вас прынялі па-людску, займейце візу-запрашэнне, вывучыце хаця б дзясятак дасціпных народных анекдотаў, а то будзеце мець праблемы на аўцюкоўскай мытні. Фото из архива "ГП"
Культура
пуфыфтик 01/01/1970 03:00
вот если непредвзято отнестись - хорошая ж идея, полезная. Но почему-то остается ощущение, что это фест плохого вкуса, древних анекдотов и петросянщины. Хз, почему...... Может, из за таких вот задорных телег.....
Цитировать Мне здаецца, што першыя фестывалі мелі нашмат больш выйгрышных ачкоў, дзякуючы толькі таму, што праходзілі не ў горадзе, а на прыродзе, у дуброве паміж Вялікімі і Малымі Аўцюкамі. Па-другое, калі гэта Ўсебеларускі фестываль, то трэба сапраўды насычаць праграму сучасным гумарам. У нас жа ёсць адмысловыя тэлепраекты, ёсць артысты гутарковага жанру і г.д. А праграма Аўцюкоў заключаецца ў конкурсе вясковай мастацкай самадзейнасці. Ніколькі не адмаўляючы жыхарам Аўцюкоў, Спорава, Дубіны і Баяніч у таленце, усё ж асмелюся нагадаць, што гэткая правінцыйнасць крыху не адпавядае назве "ўсебеларускі". Усе цудоўна разумеюць, якім чынам даецца гэты "смех", як кіраўнікі аддзелаў культуры "не злазяць" з тых мастацкіх кіраўнікоў і загадчыкаў клубаў, якіх плануюць выправіць на фестываль. А між тым, Аўцюкі маглі б зрабіцца адмысловаю пляцоўкай для развіцця айчыннага жанру сатыры і гумару, каб нам не даводзілася "фанацець" ад "Камедзі-клаба" ці "Пражэктара Пэрыс Хілтан". Трэба піярыць фестываль і рабіць з яго відовішча. Але ж... Дажывем да пятніцы - пабачым, што атрымаецца на гэты раз, можа я дарма тут распінаюся! ))
Цитировать