4 верасня ў межах фестывалю кнігі і прэсы адбудзецца прэзентацыя новых выданняў пісьменнікаў, аўтограф-сесіі, прэзентацыі абласных аддзяленняў Саюза пісьменнікаў Беларусі. У раённым цэнтры культуры пройдзе і пісьменніцкая імпрэза.
Са святочнай службы і запальвання Святога агню ў храме Ушэсця Гасподняга распачнецца другі дзень свята, адбудзецца хрэсны ход удзельнікаў рэспубліканскай навукова-асветніцкай экспедыцыі “Дарога да Святыняў” з Жыватворным Агнем ад Гроба Гасподняга.
На выставе гістарычнай кнігі “Памяць” выдавецкі дом “Беларусь сегодня” прэзентуе праект “Партызаны Беларусі”. Году народнага адзінства ў Рэспубліцы Беларусь і Дню народнага адзінства 17 верасня прысвячае аўтарскі праект лаўрэат прэміі Прэзідэнта Рэспублікі Беларусь “За духоўнае адраджэнне” Уладзімір Ліхадзедаў: кнігі, СМІ 20-30-х гадоў, рарытэтныя рэчы.
Урачыстае адкрыццё свята і ўручэнне Нацыянальнай літаратурнай прэміі адбудзецца 5 верасня ў 12.00 на галоўнай сцэне на плошчы Леніна. У мерапрыемствах прыме ўдзел і дэлегацыя пісьменнікаў Гомельшчыны.
