25 лютага на філалагічным факультэце ГДУ імя Ф. Скарыны адбудзецца адкрытая лекцыя беларускага і чэшскага славіста Іны Каліты.
Доктар філасофіі кандыдат філалагічных навук Іна Уладзіміраўна Каліта, беларускаі і чэшскі славіст прачытае лекцыю “Кампаратыўная фразеалогія”.
Як паведаміла дэкан філалагічнага факультэта Алена Палуян, Іна Уладзіміраўна Каліта – старшы навуковы супрацоўнік кафедры багемістыкі аддзялення славістыкі педагагічнага факультэта універсітэта імя Яна Эвангелісты Пуркіне (г. Усці-над-Лабай, Рэспубліка Чэхія). Сфера яе навуковых інтарэсаў – славістыка; моўная і літаратурная кампаратывістыка; лінгвакультуралогія; сацыялінгвістыка (субстандарты: трасянка, слэнг); фразеалогія.
Паміж педагагічным факультэтам універсітэта імя Яна Эвангелісты Пуркіне (г. Усці-над-Лабай, Рэспубліка Чэхія) і філалагічным факультэтам ГДУ імя Ф. Скарыны заключаны дагавор аб супрацоўніцтве.
Іна Каліта прачытае лекцыю, правядзе прэзентацыю свайго апошняга выдання “Чэшска-беларускага слоўніка фразеалагізмаў”. Плануецца абмеркаванне сумесных навукова-даследчых праектаў.
Пачатак у 12.00.
