Настройки шрифта
По умолчаниюArialTimes New Roman
Межбуквенное расстояние
По умолчаниюБольшоеОгромное
Вверх

Баннер на сайт 816х197.jpg


Калгасны хлеб і ў эшалон не ўмесціцца

1478 0 23:12 / 24.01.2008
Нават старэйшыя хлебаробы калгаса “СВК “50 гадоў Кастрычніка” Рэчыцкага раёна не памятаюць, каб такой шчодрай на ўраджай была хлебная ніва, як сёлета. Па 46,8 цэнтнера збожжа намалацілі тут з кожнага гектара.
— А на асобных участках вырашчана амаль па 60 цэнтнераў, — расказвае старшыня калгаса Р. К. Шпакаў. — Нават на далучаных да нас землях суседняга калгаса, дзе раней не атрымлівалі і па 20 цэнтнераў з гектара, сёлета намалацілі больш як па 45 цэнтнераў.
А ўсяго ў аб’яднанай гаспадарцы, як паведаміў Рыгор Купрыянавіч, збожжавыя і зернебабовыя культуры займалі сёлета 1250 гектараў. Убрана ўжо ўся плошча, якая зараз вы-зваляецца ад саломы. На асобных участках вядзецца ворыва.
Валавы збор хлеба ў параўнанні з мінулым годам павялічыўся на 2449 тон і склаў 5849 тон. Гэта самы рэкордны намалот за ўсю гісторыю гаспадаркі.
— Калгасны хлеб не ўмясціўся б і ў вялікі чыгуначны эшалон, — разважаў прама ў гаспадарцы старшыня абкама прафсаюза работнікаў АПК М. П. Літвінюк. — Усе ўдзельнікі жніва працавалі тут вельмі добра, высокаэфектыўна, дабіліся выдатных паказчыкаў у рабоце. Думаю, поспеху садзейнічалі стварэнне належных умоў для хлебаробаў, прадуманыя меры маральнай і матэрыяльнай зацікаўленасці людзей, арганізацыя дзейснага спаборніцтва. Сярод камбайнераў у гэтым спаборніцтве пераможцамі сталі Генадзь Кот і Дзмітрый Талкачоў, якія на канец мінулага тыдня намалацілі на “КЗР-10” 1113 тон збожжа.
Прама ў полі Міхаіл Пятровіч павіншаваў перадавы экіпаж, уручыў маладым камбайнерам каштоўныя падарункі.
Трэба адзначыць, што калгасныя камбайнеры дапамаглі ўбраць хлеб і сваім вяскоўцам на іх прысядзібных участках. А зараз у гаспадарцы ўсе сілы накіраваны на падрыхтоўку глебы пад сяўбу азімых культур, нарыхтоўку кармоў для грамадскай жывёлы на будучы зімова-стойлавы перыяд, іншыя неад-кладныя гаспадарчыя работы. І тут, як і на жніве, хлебаробы працуюць выдатна. Напрыклад, Юрый Забіран пры добрай якасці значна перакрывае дзённыя заданні на ворыве глебы. Стараннасцю вызначаюцца і іншыя механізатары, якія ўжо сёння закладваюць трывалую аснову будучаму ўраджаю.
Сцяпан БАЛОТКIН
Общество
3_НПЗ.jpg

морозовичи-агро11.jpg
0 Обсуждение Комментировать
3_НПЗ.jpg