Час бяжыць хутка, а сяўба вядзецца марудна

Адкрываючы чарговую абласную селектарную нараду па пытаннях сельскай гаспадаркі, старшыня аблвыканкама А. С. Якабсон расказаў аб рэспубліканскай нарадзе, якую правёў кіраўнік урада, коратка ахарактарызаваў сітуацыю на Гомельшчыне.
— Большасць рашэнняў папярэдніх абласных селектарных нарад выканана, — паведаміў намеснік старшыні аблвыканкама Г. В. Дашкевіч. — Але і непаладкаў хапае. Дапускаюцца недаравальныя пралікі.
Больш падрабязную інфармацыю аб гэтым даў старшыня камітэта па сельскай гаспадарцы і харчаванню аблвыканкама Л. М. Апанасюк. У большасці сельскіх гаспадарак вобласці пачаліся ўжо веснавыя палявыя работы, а ў асобных прыступілі і да сяўбы аўса. У комплексе вядуцца баранаванне азімых збожжавых культур, падсеў шматгадовых траў, пераборка бульбы, унясенне ў глебу арганічных і мінеральных удабрэнняў.
— Аднак, — падкрэсліў Леанід Мікалаевіч, — час ідзе хутка, а сяўба вядзецца марудна. Па стану на 29 сакавіка было пасеяна 2,7 тысячы гектараў яравых культур, што складае менш аднаго працэнта ад усёй пло-шчы. Толькі ў Лельчыцкім раёне пасеяна 680 гектараў, або 10 працэнтаў да патрэбнага.
У Жлобінскім, Кармянскім, Акцябрскім раёнах вельмі марудна вя-дзецца пратручванне насення збожжавых культур. Асцярожна, з аглядкай прыступаюць хлебаробы да падрыхтоўкі глебы пад сяўбу яравых культур. Гэтыя работы не пачыналі яшчэ ў Веткаўскім, Жлобінскім, Акцябрскім раёнах. Баранаванне шматгадовых траў праведзена на васьмі тысячах гектараў — гэта шэсць працэнтаў да патрэбнага. Недаравальна адстаюць у Добрушскім, Ельскім, Калінкавіцкім, Акцябрскім і Светлагорскім раёнах.
Практычна не вядзецца падкормка сенакосаў і пашы азотнымі тукамі. Падкормка азімых культур, у тым ліку і рапсу, ідзе больш актыўна, але ў шасці раёнах не прыступалі і да яе. На працягу дзесяці бліжэйшых дзён трэба актывізаваць гэтую работу.
На селектарнай нарадзе заслуханы справаздачы кіраўнікоў Добрушскага, Рагачоўскага, Акцябрскага і некаторых іншых раёнаў аб прычынах адставання з правядзеннем веснавых работ. За пралікі па ўсіх напрамках сельскагаспадарчай дзейнасці, і ў першую чаргу за зацягванне пасяўной кампаніі, рэзкай крытыцы падвергліся сельскагаспадарчыя вытворчыя кааператывы “Хатоўня” Рагачоўскага і “Церахоўка” Добрушскага раёнаў.
Трэба адзначыць, што асобныя кіраўнікі раёнаў і гаспадарак спасылаюцца на тое, што палі яшчэ не падсохлі як трэба і на тэхніцы немагчыма на іх заехаць. Па-першае, у такім разе трэба працаваць выбарачна на тых участках, дзе глеба падсохла. А па-другое, асноўныя сілы патрэбна сканцэнтраваць на рамонце тэхнікі. У Гомельскім, Акцябрскім, Чачэрскім і некаторых іншых раёнах шмат яшчэ не адрамантавана трактароў, сеялак, культыватараў, іншай прычапной тэхнікі. У Рагачоўскім раёне гатоўнасць энерганасычаных трактароў
К-700, якія павінны ўжо быць задзейнічаны ў полі, па даных аблсельгасхарчу, складае толькі 46 працэнтаў.
Рэзкая крытыка выказана ў адрас раёнаў, дзе грошы, прызначаныя на аплату мінеральных удабрэнняў, расходавалі на іншыя мэты.
На селектарнай нарадзе патрабавана павысіць тэмпы веснавых палявых работ, працаваць поўны светлавы дзень, арганізаваць работу тэхнікі ў дзве змены, прыняць іншыя неабходныя захады з тым разлікам, каб сяўбу ранніх яравых культур, уключаючы кукурузу на зерне, правесці да
1 мая бягучага года.
Першы намеснік старшыні аблвыканкама А. А. Бяляеў сканцэнтраваў увагу ўдзельнікаў селектарнай нарады на павышэннi тэмпаў будаўніцтва жылых дамоў у сельскай мясцовасці.

— Большасць рашэнняў папярэдніх абласных селектарных нарад выканана, — паведаміў намеснік старшыні аблвыканкама Г. В. Дашкевіч. — Але і непаладкаў хапае. Дапускаюцца недаравальныя пралікі.
Больш падрабязную інфармацыю аб гэтым даў старшыня камітэта па сельскай гаспадарцы і харчаванню аблвыканкама Л. М. Апанасюк. У большасці сельскіх гаспадарак вобласці пачаліся ўжо веснавыя палявыя работы, а ў асобных прыступілі і да сяўбы аўса. У комплексе вядуцца баранаванне азімых збожжавых культур, падсеў шматгадовых траў, пераборка бульбы, унясенне ў глебу арганічных і мінеральных удабрэнняў.
— Аднак, — падкрэсліў Леанід Мікалаевіч, — час ідзе хутка, а сяўба вядзецца марудна. Па стану на 29 сакавіка было пасеяна 2,7 тысячы гектараў яравых культур, што складае менш аднаго працэнта ад усёй пло-шчы. Толькі ў Лельчыцкім раёне пасеяна 680 гектараў, або 10 працэнтаў да патрэбнага.
У Жлобінскім, Кармянскім, Акцябрскім раёнах вельмі марудна вя-дзецца пратручванне насення збожжавых культур. Асцярожна, з аглядкай прыступаюць хлебаробы да падрыхтоўкі глебы пад сяўбу яравых культур. Гэтыя работы не пачыналі яшчэ ў Веткаўскім, Жлобінскім, Акцябрскім раёнах. Баранаванне шматгадовых траў праведзена на васьмі тысячах гектараў — гэта шэсць працэнтаў да патрэбнага. Недаравальна адстаюць у Добрушскім, Ельскім, Калінкавіцкім, Акцябрскім і Светлагорскім раёнах.
Практычна не вядзецца падкормка сенакосаў і пашы азотнымі тукамі. Падкормка азімых культур, у тым ліку і рапсу, ідзе больш актыўна, але ў шасці раёнах не прыступалі і да яе. На працягу дзесяці бліжэйшых дзён трэба актывізаваць гэтую работу.
На селектарнай нарадзе заслуханы справаздачы кіраўнікоў Добрушскага, Рагачоўскага, Акцябрскага і некаторых іншых раёнаў аб прычынах адставання з правядзеннем веснавых работ. За пралікі па ўсіх напрамках сельскагаспадарчай дзейнасці, і ў першую чаргу за зацягванне пасяўной кампаніі, рэзкай крытыцы падвергліся сельскагаспадарчыя вытворчыя кааператывы “Хатоўня” Рагачоўскага і “Церахоўка” Добрушскага раёнаў.
Трэба адзначыць, што асобныя кіраўнікі раёнаў і гаспадарак спасылаюцца на тое, што палі яшчэ не падсохлі як трэба і на тэхніцы немагчыма на іх заехаць. Па-першае, у такім разе трэба працаваць выбарачна на тых участках, дзе глеба падсохла. А па-другое, асноўныя сілы патрэбна сканцэнтраваць на рамонце тэхнікі. У Гомельскім, Акцябрскім, Чачэрскім і некаторых іншых раёнах шмат яшчэ не адрамантавана трактароў, сеялак, культыватараў, іншай прычапной тэхнікі. У Рагачоўскім раёне гатоўнасць энерганасычаных трактароў
К-700, якія павінны ўжо быць задзейнічаны ў полі, па даных аблсельгасхарчу, складае толькі 46 працэнтаў.
Рэзкая крытыка выказана ў адрас раёнаў, дзе грошы, прызначаныя на аплату мінеральных удабрэнняў, расходавалі на іншыя мэты.
На селектарнай нарадзе патрабавана павысіць тэмпы веснавых палявых работ, працаваць поўны светлавы дзень, арганізаваць работу тэхнікі ў дзве змены, прыняць іншыя неабходныя захады з тым разлікам, каб сяўбу ранніх яравых культур, уключаючы кукурузу на зерне, правесці да
1 мая бягучага года.
Першы намеснік старшыні аблвыканкама А. А. Бяляеў сканцэнтраваў увагу ўдзельнікаў селектарнай нарады на павышэннi тэмпаў будаўніцтва жылых дамоў у сельскай мясцовасці.