Майстэрня створана ў 2013 годзе. Кіруе калектывам Палто Алена Васільеўна. Больш чатырох гадоў яна перадае свой багаты вопыт удзельнікам майстэрні, сярод якіх ветэраны працы, работнікі чыгункі, пенсіянеры.
Работы, выкананыя майстрамі — гэта чараўніцтва, якое дорыць радасць стварэння. Кожная вышытая карціна для майстрых — гэта не проста ўпрыгожванне інтэр’еру, гэта маленькая гісторыя, часціца жыцця.
Гарманічнае спалучэнне здаўна распаўсюджаных на тэрыторыі Беларусі відаў дэкаратыўна-прыкладнога мастацтва матывавала на рэалізацыю творчых ідэй. У іх прачытваецца цесная сувязь з беларускімі традыцыямі, прадстаўлены своеасаблівы сінтэз матэрыялу і ідэі.
На выставе будуць прадстаўлены работы, выкананыя ў розных відах вышыўкі: бісерапляценне, вышыўка крыжам, атласным стужкамі, вышыўка фрагментаў традыцыйных арнаментаў, а таксама беларускія лялькі, абярэгі і мн. інш.
