Стала добрай традыцыяй шанаванне памяці класікаў беларускага слова, якія праславілі культуру і родную мову далёка за яе межамі. Удзел у падзеі прымалі кіраўніцтва рэспублікі, вобласці, раёна, родныя Івана Шамякіна, прадстаўнікі працоўных калектываў, моладзі, грамадскіх аб’яднанняў, творчай інтэлігенцыі. Помнік адкрылі намеснік прэм’ер-міністра Ігар Петрышэнка, міністр інфармацыі Уладзімір Пярцоў, старшыня аблвыканкама Іван Крупко і старшыня Добрушскага райвыканкама Аляксандр Матарас.
Пасля адбылася цырымонія гашэння памятнага канверта з арыгінальнай маркай, прысвечанай XXІХ Дню беларускага пісьменства.
Ігар Петрышэнка падзяліўся ўражаннямі ад свята. Ён адзначыў, што вельмі актыўна ў ім прымае ўдзел пісьменніцкая суполка. Ёсць інтарэс да літаратурнай творчасці і ў моладзі. Так, 16 тысяч дзяцей удзельнічалі ў чытаннях, прысвечаных Дню беларускага пісьменства. Гэта пасведчанне таго, што ёсць сувязь пакаленняў, і яна перадаецца далей. У святочных мерапрыемствах удзейнічаюць больш за 25 тысяч чалавек. Госці з інтарэсам наведваюць знакавыя месцы, бо ёсць што пабачыць. Горад пераўтварыўся да свята, і гэта дазволіла арганізаваць тут камфортную, утульную і цёплую атмасферу. Намеснік прэм’ер-міністра выказаў падзяку жыхарам Добруша за тое, что яны адгукнуліся і сумесна з уладамі прывялі горад да цудоўнага стану, і гэта, безумоўна, будзе прыцягваць сюды турыстаў яшчэ доўгі час.
